🥀કિરીટ ગોસ્વામી ~ કાબર કયે🥀 -

કાબર કયે- મમ્મી, ના મોકલ નિશાળે..
જબરી છે મોજ, એથી લીમડાની ડાળે !

આખો દિ’ લેસન, આ લેસન કેમ થાય?
કૂ…કૂ…કૂ… ટહુકાની મસ્તી ભૂલાય !

કલાસમાં જ બેસીને કોણ ના કંટાળે ?
જબરી છે મોજ, એથી લીમડાની ડાળે…

કક્કાથી સારું તો કલબલનું ગીત..!
નંબરની ચિંતા નહીં; હાર કે ન જીત..!

મજા-મજા ડાળે.. ને મજા-મજા માળે !
કાબર કયે- મમ્મી, ના મોકલ નિશાળે..

~ કિરીટ ગોસ્વામી

આજે શનિવાર. મજા લો બાળગીતની…..

આજે વિશ્વ કવિતા દિને આ પણ ગમશે.