🔆દક્ષા બી.સંઘવી ~ મદીલો સિતારી પવન🔆 -

મદીલો સિતારી પવન થાય ત્યારે;
ઋતુરાજનું આગમન થાય ત્યારે.

ઝૂલે મંજરી ને પ્રમત્ત સારિકાગણ;
સુગંધોનું આવાગમન થાય ત્યારે.

ભ્રમરગણ નશીલા પ્રણયરાગ છેડે;
ઝૂમે ડાળ, પુલકિત સુમન થાય ત્યારે.

પવન ઓષ્ટદ્વય પર ધરે બાંસુરી, ને
સકળ સૃષ્ટિ રાધાનું મન થાય ત્યારે.

કણેકણ થી વહેતી પ્રણયની જ ગાથા;
અહંકારીતાનું શમન થાય ત્યારે.

દહંતા પલાશો બને યજ્ઞવેદી;
ને જંગલમા જાણે હવન થાય ત્યારે.

લતાવૃંદ પણ અપ્સરારૂપ ઘરતું;
અને સ્વર્ગ જેવું ચમન થાય ત્યારે.

ઋચાગાન કરતાં બટુક પંખીઓ, ને
સૂરીલાં ધરા ને ગગન થાય ત્યારે.

અહોરૂપ નિરખી ઝૂકી જાય મસ્તક;
અને શબ્દ મારો સ્તવન થાય ત્યારે.

~ દક્ષા બી.સંઘવી

છબીલભાઈ ત્રિવેદી

04/03/2026 at 9:08 am

વાહ ખુબ સરસ ગીત અભિનંદન

daxa sanghavi
04/03/2026 at 10:49 am

આનંદ સહ આભાર

Loading...

1. Kaushal
  05/03/2026 at 9:28 am
  
  સરસ વાહ
  
  Loading...
  
Daxa sanghavi
05/03/2026 at 10:44 am

આનંદ સહ આભાર ભાઈ

Loading...

હરીશ દાસાણી.મુંબઈ

04/03/2026 at 9:53 am

સરસ ગઝલ

daxa sanghavi
04/03/2026 at 10:52 am

આનંદ સહ આભાર ભાઈ

Loading...

1. Kirtichandra Shah
  04/03/2026 at 11:59 am
  
  રચના સરસ છે ધન્યવાદ
  
  Loading...
  
  1. Anonymous
    04/03/2026 at 4:15 pm
    
    આનંદ સહ આભાર ભાઈ
    
    Loading...