🔆લતા હિરાણી ~ એકવાર🔆 -

એકવાર અચાનક
સમયનો એક કાળોધબ્બ ટુકડો
ઉઘડતા અજવાળાને ધક્કો દઈને
ઘુસી ગયો ઓરડામાં
રીતસર ત્રાટક્યો

હું પૂછું કે કોણ છે તું
એ પહેલાં તો એણે
આતંક મચાવી દીધો.

જો કે પછી
ધીમે ધીમે
બધુંય શાંત થતું ગયું…..

……. હવે સવાર પડે
ને સૂરજ ઊગે
ફૂલો ખીલે
ને પંખીયે ગાય

પણ સમયના એ ટુકડાનો
પાશવી ઓછાયો
તર્યા જ કરે
મારા ઓરડામાં !

~ લતા હિરાણી

કવિલોક > જુલાઇ – ઓગસ્ટ > 2013

‘ઝળઝળિયાં’ કાવ્યસંગ્રહમાંથી

લતા હિરાણી * ‘ઝળઝળિયાં’ * પ્રવીણ પ્રકાશન 2015

Shailesh Gadhavi

25/01/2026 at 11:37 am

વાહ!

Kavyavishva
27/01/2026 at 11:16 am

આભાર શૈલેષભાઈ.
લતા હિરાણી

Loading...

1. 'સાજ' મેવાડા
  27/01/2026 at 10:45 pm
  
  એક અલૌકિક અનુભવ લાગે છે.
  
  Loading...