🔆પ્રફુલ્લ પંડ્યા ~ ક્યાંક પાંદડા નીચે🔆

જઈ બેસીએ

ક્યાંક પાંદડા નીચે રે જઈ બેસીએ !
એકલતા સોંસરવી ભીંસ્યા કરે છે તો
ભીંસમાંથી મોકળાશ ખેંચીએ !
ક્યાંક પાંદડા નીચે રે જઈ બેસીએ  !

પગ પાંદડા તો રેબઝેબ ફરકયાં કરે ને
નહીં આંખના અરિસામાં છાંયો !
ડાળખી બનીને દેહ ઝૂલ્યાં કરે ને
દેહ અંદર ઝૂલે છે પડછાયો !
ક્યાંક અટકીને આગળ થઈ બેસીએ !
ક્યાંક પાંદડા નીચે રે જઈ બેસીએ  !

કાળાં માથાંને લઈ દોડવાનું થાય
ધોમ કાળી બપ્પોરનાં ક્યાંક,
સાવ સૂનાં કટિબંધનો સૂનો અનુભવ
રે પગની મુરાદ બધી રાંક !
રાંક વાદળમાં વ્હેંત એક ઠેકીએ !
કહો પાંદડાં નીચે રે કેમ બેસીએ ?

~ પ્રફુલ્લ પંડ્યા

વિષયની રીતે આ કવિ સાવ જુદા જ છે. ગીતમાં આવો વિષય પણ આવી શકે ? એવો સવાલ થાય ત્યારે આ કવિને યાદ કરવા. એ ગીતમાં સાવ જુદો વિષય આપી શકે અને એને મજ્જાનો નિભાવી પણ શકે…

આપને આ વાર્તા ગમશે. આભાર.

જળ તો વહેતાં