🔆મનોજ ખંડેરિયા ~ આ બધી🔆 -

અર્થ શો ?

આ બધી તારી સ્મૃતિનો અર્થ શો ?
રિક્તતાની આ ગલીનો અર્થ શો ?

તું જ રસ્તો આમ લંબાવ્યા કરે,
તેં દીધાં ચરણો, ગતિનો અર્થ શો ?

રગરગે અંધાર વ્હેતો દેહમાં,
સ્પર્શની આ ચાંદનીનો અર્થ શો ?

છિદ્ર મારા પાત્રમાં છે કાયમી,
ત્યાં ઝૂકેલી વાદળીનો અર્થ શો ?

આ ઉદાસી આંખમાં અંજાઈ ગઈ,
દોસ્ત, સુરમાની સળીનો અર્થ શો ?

~ મનોજ ખંડેરિયા

આપને મારી આ મજ્જાની વાત વાંચવી ગમશે. આભાર.

મજ્જાનું જીવન

🔆મનોજ ખંડેરિયા ~ આ બધી🔆