🔆હેમંત ગોહિલ ‘મર્મર’ ~ મમ્મી🔆 -

મમ્મી મારી મુજને તું જો એકવાર દે હા પાડી,
દરિયાને મુઠ્ઠીમાં લઈ લઉં, સૂરજ દઉં સંતાડી.

નભ આખું ખિસ્સામાં મુકી તારા લઉં ખંખેરી;
ચાંદાને હું ચગળી જાઉં વાદળને લઉં પ્હેરી.
મેઘધનુષ્ય હું ઘરની ભીંતે આખ્ખું દઉં ટીંગાડી..

ધરતીમાનો કરી દડો હું આંગણમાં ઉછાળું;
પવન પડીકે બાંધી એના પગને મારું તાળું.
તું કહે તો ડુંગરને પણ મૂળથી લઉં ઊખાડી…

મારી વ્હાલી વ્હાલી મમ્મી સાંભળ તું દઇ ધ્યાન;
તું કહે તો ચપટીમાં હું હાજર કરું ભગવાન.
એક ઇશારે સ્વર્ગ સમૂળગું આવું ઉપાડી…

~ હેમંત ગોહિલ ‘મર્મર’

આ આપને વાંચવું ગમશે. આભાર

‘જેણે શ્વાસમાં જીવન ભર્યું’

જેણે શ્વાસમાં જીવન ભર્યું

છબીલભાઈ ત્રિવેદી

13/12/2025 at 10:11 am

વાહ બાળક માટે માં સર્વસ્વ છે ખુબ સરસ રચના ખુબ ગમી

ઉમેશ જોષી

13/12/2025 at 10:15 am

વાહ ખૂબ સરસ ગીત રચના.

Minal pravinchnra Oza

15/12/2025 at 11:26 am

મા માટે સર્વસ્વ ન્યોછાવર કરી દેવાની સરળ ભાષામાં સરસ અભિવ્યક્તિ..

Kavyavishva

15/12/2025 at 7:27 pm

પ્રતિભાવ આપનારા મિત્રો – મીનલબેન, છબીલભાઈ, મેવાડાજી, ઉમેશભાઈ,
અને ‘કાવ્યવિશ્વ’ની મુલાકાત લેનારા મિત્રો
સૌનો આભાર.
લતા હિરાણી

🔆હેમંત ગોહિલ ‘મર્મર’ ~ મમ્મી🔆