🔆’રુસ્વા’ મઝલૂમી ~ ક્યાં મદિરા🔆 -

ક્યાં મદિરા ઉધાર પીધી છે,
સાકીને કૈં દુઆઓ દીધી છે…

બોલતી કૈં છબીઓ કીધી છે,
મૌનને મેં જબાન દીધી છે…

ઈશ્વરે મારી ઓથ લીધી છે,
જીન્દગાની મને શું દીધી છે…

આપ સમજો નહીં, તો છે વસમી,
આપ સમજો તો, વાત સીધી છે…

કાળ મુજને મહાત શું કરશે,
કાળને મેં મહાત દીધી છે…

ઝૂમી ઝૂમી શરાબ પીધો છે,
ઝૂકી ઝૂકી સલામ લીધી છે…

અજનવી આંખની કસમ રુસ્વા,
મેં પ્યાલા વિનાએ પીધી છે..

~ ‘રુસ્વા’ મઝલૂમી (11.12.1915 – 14.2.1908)

મારી આ વાર્તા તમને વાંચવી ગમશે. આભાર

સુખ જ સુખ

છબીલભાઈ ત્રિવેદી

12/12/2025 at 9:38 am

પાજોદ દરબાર રૂસ્વા સાહેબ ની યાદગાર રચના ખુબ ગમી સ્મ્રુતિવંદન

'સાજ' મેવાડા

12/12/2025 at 11:00 am

ખૂબ જ સરસ ટૂંકી બહેરની ગઝલ.

Minal pravinchnra Oza

12/12/2025 at 1:04 pm

એક એક શેર ગઝલના ભાવને અનુરૂપ છે.

ઉમેશ જોષી

13/12/2025 at 10:27 am

સકળ શે’ર મર્મજ્ઞ છે.

Kavyavishva

13/12/2025 at 2:48 pm

‘કાવ્યવિશ્વ’ની મુલાકાત લઈ પ્રતિભાવ આપનારા મિત્રો – મીનલબેન, છબીલભાઈ, મેવાડાજી, ઉમેશભાઈ
અને ‘કાવ્યવિશ્વ’ની મુલાકાત લેનારા મિત્રો
સૌનો આભાર.
લતા હિરાણી

🔆’રુસ્વા’ મઝલૂમી ~ ક્યાં મદિરા🔆