🔆જગદીશ જોષી ~ મારા શબ્દોને🔆 -

મારા શબ્દોને વાટ વળી જતાં મેં જોયાં છે
મારા શબ્દોને ક્યાંક ઢળી જતાં મેં જોયાં છે.

કોઈવાર પંખી થઈ ઝૂલે એ ડાળીએ
ને કોઈ વાર પાંજરે અવાક
કોઈવાર એટલું એ બોલ્યા કરે કે
મને લાગે લવારાનો થાક
મારા શબ્દોને હાશ ! બળી જતાં મેં જોયાં છે
જરા છૂટા પડીને મળીને જતાં મેં જોયાં છે

કોઈ આવે છે શબ્દ મને ચીંધે છે પંથ
કોઈ આવે નહીં ને મને ચીંધે અનંત
મારા શબ્દોને સાવ ટળી જતાં મેં જોયાં છે
ખરતા ફૂલોને ફળી જતાં મેં જોયાં છે.

~ જગદીશ જોષી
જગદીશ રામકૃષ્ણ જોષી (9.10.1933 – 21.9.1978)

🙏 મિત્રો, ‘કાવ્યવિશ્વ’ પાંચ વર્ષ પૂરાં કરીને (9.10.2020) છઠ્ઠા વર્ષમાં પ્રવેશ્યું છે. આજ સુધીમાં કવિતા અને કવિતા અંગેની મુકાયેલી કુલ પોસ્ટ 5297, દોઢ લાખથી વધારે વિઝીટર્સ અને ત્રણ લાખથી વધારે વ્યુઝ આ સાઇટને મળ્યા છે. કાવ્યપ્રેમીઓના આટલા ઉમદા સહકાર બદલ દિલથી આભારી છું. 🙏

🔆જગદીશ જોષી ~ મારા શબ્દોને🔆

Like this:

Related

4 thoughts on “🔆જગદીશ જોષી ~ મારા શબ્દોને🔆”

Leave a Comment Cancel Reply