🔆રમેશ પારેખ ~ હવે પીપળો ન ઊગે🔆

હવે પીપળો ન ઊગે પછીતમાં
છાતીમાં એમ તું તો ઘૂઘવતી જેમ
કોઈ ઘૂઘવતો હોય ભાવ ગીતમાં

સુખને આકાશ સમું કહીએ છતાંય
થતું કહેવાનું કૈંક હજુ   ખૂટે
આવી વસંત નથી ભાળી કે મંજરીઓ
ચીતરેલા ઝાડને ય ફૂટે
ઓરડાને કલરવ ભર્યો ભર્યો કરવા કૈં ભર્યો ભર્યો કરવા
હું ચકલીનું નામ હવે ચકલીનું નામ નહીં ચકલીનું
નામ લખું ભીંતમાં

શેરી, પગથાર, ભીંત, પાદર ને ચોક
જાણે ડમરીમાં ધૂળ ઊડી જાતી
આટલી ભીનાશ જોઈ એવું થતું કે
આ તો દરિયો હશે કે મારી છાતી?
આભમાંથી ખરતી આ કૂણી સવાર આજ ખોબે ઝિલાય
એની મ્હેકને અડાય, મારો ખોબો છલકાય બધું તરતું રે જાય,
હવે પ્રીતનોય ભાર નહીં પ્રીતમાં.

~ રમેશ પારેખ

આજે સંગીતકાર શ્રી ક્ષેમુભાઈ દિવેટીયાનો જન્મદિવસ

કવિ: રમેશ પારેખ * સ્વરાંકન : ક્ષેમુ દિવેટિયા * સ્વરઃ અમર ભટ્ટ 

🙏🏻આપ ‘કાવ્યવિશ્વ’ના નિયમિત મુલાકાતી છો એનો આનંદ છે. સાઇટના આ નવા સ્વરૂપમાં આપને ફરી subscribe કરવાનું રહેશે. એટલો સહકાર જરૂર મળશે. આભાર.  આપના પ્રતિભાવો આનંદ અને ઉત્સાહ આપશે. આભાર. – સંપાદક🙏🏻