🔆જિગર જોષી ~ હું ને દફતર🔆 -

હું ને દફતર એક દિવસ બેઠાં ‘તા લેશન કરવા
દફ્તર બોલ્યું, લેશન પડતું મૂકી જઇએ રમવા
હું ને દફતર એક દિવસ…

મેં કીધું કે ના ભાઇ પહેલાં પૂરું કરીએ લેશન
લેશન થાશે નૈં તો ભઇ, ટીચરનું કેવું ટેન્સન
દફ્તરને તો કોણ પૂછે કે કેમ ગયું ‘તું રમવા?
હું ને દફતર એક દિવસ…

દફ્તર મારો હાથ ઝાલીને મને ક્યે, ઊભા થાઓ
આવતીકાલે રવિવાર છે કેલેન્ડર જોઇ આવો
બધુંય પડતું મૂકીને ભાઇ અમે તો ચાલ્યા રમવા
હું ને દફતર એક દિવસ…

~ જિગર જોષી

Minal Oza

23/09/2025 at 11:18 am

બાળકનાં મનના ભાવવિશ્વને અભિવ્યક્ત કરતી રચના તો છે જ સાથે આજની શિક્ષણ પદ્ધતિ પર પણ પ્રકાશ પાડે છે.

Anonymous

23/09/2025 at 3:26 pm

વાહ ખુબ સરસ રચના અભિનંદન

છબીલભાઈ ત્રિવેદી

23/09/2025 at 3:27 pm

વાહ ખુબચ સરસ રચના અભિનંદન

પુરુષોત્તમ મેવાડા 'સાજ'

23/09/2025 at 10:40 pm

સુંદર બાળકાવ્ય, ગમ્યું.

રમતિયાળ શૈલીની સરસ રચના..

🔆જિગર જોષી ~ હું ને દફતર🔆