🔆હરીન્દ્ર દવે * કલ્યાણી કૌઠાળકર 🔆 -

કોઈ આઘે આઘેથી વેણુ વાય છે,
રે મને જાતી રહું જાતી રહું થાય છે.

લાલ લાલ આંખડીથી સાસુ જુએ છે
હોઠ મરડીને નણંદી પગ પછાડે
લહેરીયે ચડેલ મારા લોચનીયા જોઈ
ઉભો નાવલીયો બારણાની આડે
હો ઘેરા ઘેનની કટોરી કોઈ પાય છે
રે મને જાતી રહું જાતી રહું થાય છે

એક દ્વાર બંધ કીધું તો
કેટલાંય મારગ આ આંખમાં સમાયા
ધૂપ થઈ ઉડી હું ચાલી સંભાળો
હવે પીંજરામાં રહી ગઈ કાયા
હવે છાનું એ છનછન છલકાય છે
રે મને જાતી રહું જાતી રહું થાય છે

~ હરીન્દ્ર દવે 19.9.1930 – 29.3.1995)

કાવ્ય : હરીન્દ્ર દવે સ્વર : કલ્યાણી કૌઠાળકર

સૌજન્ય : અંકિત ત્રિવેદી

છબીલભાઈ ત્રિવેદી

19/09/2025 at 4:45 pm

વાહ હરિન્દ્રભાઈ ની ખુબ સરસ રચના સ્વરાંકન પણ ઉત્તમ

પુરુષોત્તમ મેવાડા 'સાજ'

19/09/2025 at 4:55 pm

એક ગોપીની કૃષ્ણની વાંસળી સાંભળી એની પાસે દોડી જવાની અદમ્ય ઈચ્છાને કોણ કેવીરીતે રોકે છે એ દર્શાવે છે, સાથે એ પણ કહે છે કે ખોળિયું અહીં રહ્યું પણ મન ત્યાં પ્હોંચી ગયું છે. સરસ ગીત.

Minal Oza

19/09/2025 at 10:16 pm

કવિની ખૂબ જાણીતી રચનાને સરસ સ્વરાંકનમાં ગવાયાનો આનંદ થયો. અભિનંદન ્

Jigna Trivedi

21/09/2025 at 9:48 am

વાહ, સુંદર રચનાનું મધુર સ્વરાંકન.

🔆હરીન્દ્ર દવે * કલ્યાણી કૌઠાળકર 🔆

Like this:

Related

4 thoughts on “🔆હરીન્દ્ર દવે * કલ્યાણી કૌઠાળકર 🔆”

Leave a Comment Cancel Reply