🔆મનસુખલાલ ઝવેરી ~ માનવીનાં રે જીવન!🔆 -

માનવીનાં રે જીવન!
ઘડી અષાઢ ને ઘડીક ફાગણ,
એક સનાતન શ્રાવણ.

એક આંખે આંસુની ધારા,
બીજીએ સ્મિતના ઊડે ફુવારા,
તેજ-છાયાને તાણેવાણે,
ચીતરાયું ચિતરામણ.

એક અંધારાથી આવવું;
બીજા અંધારામાં જઈ સમાવું;
બિચમાં બાંધી આંખે પાટા
ઓશિયાળી અથડામણ.

આવ્યો આવ્યો જ્યાં થાય, ઘડીમાં
જાય કરેથી મર્મ સરી ત્યાં;
ભલભલા માંહી ભૂલા પડે તોય
કારમાં કેવાં કામણ?

ઘડી અષાઢ ને ઘડીક ફાગણ,
એક સનાતન શ્રાવણ.
માનવીનાં રે જીવન!

~ મનસુખલાલ ઝવેરી (3.10.1907 – 27.8.1981)

સૌજન્ય : ટહૂકો.કોમ

🔆મનસુખલાલ ઝવેરી ~ માનવીનાં રે જીવન!🔆