🔆દિવા ભટ્ટ ~ ગયા તે ગયા🔆 -

ગયા તે ગયા
ઘોડાના ડાબલા પાછા ન ફર્યા.
અહીંથી જે ધૂળ ઊડી હતી
તે પણ આઘી જઈને બેઠી.
હવે સૂરજ લંગડાતો ચાલે છે.
હું રમી તો શકું
પણ સૂરજ સાથે લંગડી રમતા
હારી જાઉં તો ?
અને સૂરજ
મને તેના ખૂટતા ઘોડાના સ્થાને
જોતરી દે તો ?
તો પછી
ઘોડાના ડાબલાના પાછા ફરવાની વાટ
અહીં કોણ જોશે ?

~ દિવા ભટ્ટ

વીતેલા દિવસો, વિતેલી ઘટનાઓ, વીતેલો સમય એમાંથી બહાર નીકળનારા વિરલા જ કહી શકાય. એ સમયની ધૂપછાંવ માનવીની આગળપાછળ ફરતી જ રહે. ‘વર્તમાનમાં રહો’ એવો ઉપદેશ સંતો ભલે આપ્યા કરે, કદાચ ખુદ સંતને પણ ભૂતકાળમાંથી બહાર નીકળવું અઘરું પડતું હશે.

વાત માનવીના મનોવલણની છે. જે થયું, જે થવાની શક્યતા છે કે હાલ જે થઈ રહ્યું છે, માનવી પોતાના ખયાલોમાં એ જ પસંદ કરશે જે તેને ગમે છે, જેમાં તે પોતાને confertable ફીલ કરે છે. સાચુકલું નહીં તો ભલે કાલ્પનિક, પણ એ તેનું વર્તમાન છે. ‘સાચુકલું’ શબ્દ સહેતુક છે કેમ કે પોતાની પસંદ અને ખરી પરિસ્થિતી એટલે કે વાસ્તવિકતા મોટેભાગે જુદી હોય છે. નજર ફેરવી લેવાથી પણ એમાં કંઈ વળતું નથી….

કાવ્યમાં પ્રતીકયોજના અસરદાર છે. સંકેતોથી ભરપૂર આ રચનામાં પ્રવેશવું અને અર્થ સમેત બહાર આવવું સહેલું નથી. કવયિત્રીનું નિશાન જ્યાં હોય ત્યાં આપણે પહોંચીએ કે આસપાસ પણ ફરીએ. કાવ્યમાં આવું થવું સ્વાભાવિક છે.

અને કાવ્ય તો ભાવકને જે સમજાય એ જ એનું, એ પણ ખરું !

છબીલભાઈ ત્રિવેદી

09/08/2025 at 10:55 am

વાહ ખુબ સરસ રચના ખુબ ગમી

પુરુષોત્તમ મેવાડા 'સાજ'
09/08/2025 at 11:56 am

વાહ, ખૂબ જ અનેકાર્થ સભર કાવ્ય.

Loading...

1. દિવા
  17/08/2025 at 1:52 pm
  
  આભાર
  
  Loading...

Kirtichandra Shah

09/08/2025 at 11:17 am

Nice Sunder

Diwa bhatt
09/08/2025 at 10:45 pm

સરસ! આજે તો મને પણ આ કવિતા માંથી નવા અર્થો મળ્યા. આભાર.

Loading...

1. Kavyavishva
  09/08/2025 at 11:23 pm
  
  આનંદ દિવાબહેન.
  
  Loading...

હરીશ દાસાણી.મુંબઈ

09/08/2025 at 5:16 pm

કવિતાની પ્રતીકાત્મકતા સૌંદર્ય વર્ધન કરે છે.ઘોડા મનની અંદર ની દોડધામનો સંકેત પણ આપી શકે.

🔆દિવા ભટ્ટ ~ ગયા તે ગયા🔆

Like this:

Related

7 thoughts on “🔆દિવા ભટ્ટ ~ ગયા તે ગયા🔆”

Leave a Comment Cancel Reply