🔆અનિલ જોશી ~ સોય સમી હું🔆 -

સોય સમી હું પડી હતી ને કીડી જેટ્લુંક નાકું
હવા પરોવી કોઈ ગયું એ અચરજને હું તાકું

સોય પરોવે દરજીડા ને ફૂલ પરોવે માળી
વેણ પરોવે કવિતડા ને રાસ પરોવે તાલી

ઝાકળટીપા કોણ પરોવે?નજર પરોવી થાકું
પવનપુત્રી કહેવાઉં છતાં હું હવા વિનાની હોઉં

વાંસની મૂંગી ભૂંગળી જેવી મને પડેલી જોઉં
ફૂંક પરોવી કોઈ ગયું ને હવે એકલી વાગું

સોય સમી હું પડી હતી ને કીડી જેટલું નાકું
હવા પરોવી કોઈ ગયું એ અચરજને હું તાકું.

~ અનિલ જોશી (28.7.1940 – 26.2.2025)

કવિના જન્મદિને સ્મૃતિવંદના

🔆અનિલ જોશી ~ સોય સમી હું🔆