સુરેશચંદ્ર પંડિત ~ નીંદમાં એક

રસ્તો હતો

નીંદમાં એક સોનેરી રસ્તો હતો
મારા બિસ્તરમાં સપનાનો ઢગલો હતો.

ત્યારે મનમાં હતાં આસમાની કિરણ
હું તો તમને જ દરિયો સમજતો હતો.

ખોટી વાતોમાં અમુલ બેઠાં હતાં
સામે વરસાદ ધીમો વરસતો હતો.

પત્ર આખો શિખામણથી ભરપુર હતો
છેલ્લે મહોબતનો કમનીય ફકરો હતો.

એ તો રંગીન શરબતની દુનિયા હતી
સાવ કારણ વગર હું તરસતો હતો.

~ સુરેશચંદ્ર પંડિત (6.6.1950 – 16.10.2023)

અલવિદા કવિ સુરેશચંદ્ર પંડિત !

કાવ્યસંગ્રહો : 1. ગુલબંકી : 1982   2. પ્રણયમંત્ર: 1998  

3. કામિલ : 2010