🥀
નભ ખોલીને જોયું, પંખી નથી નથી
જળ ખોલીને જોયું, મોતી નથી નથી. –
સતત છેડીએ તાર,
છતાં કંઈ રણકે નહીં
આ કેવો ચમકાર ! –
કશુંયે ચમકે નહીં !
ખોલી જોયા સૂર, હલક એ નથી નથી;
ખોલી જોયાં નૂર, નજર એ નથી નથી
લાંબી લાંબી વાટ,
પહોંચતી ક્યાંય નહીં;
આ પગલાં ક્યાં જાય ?
મને સમજાય નહીં;
આ તે કેવો દેશ ?! –
દિશા જ્યાં નથી નથી !
આ મારો પરિવેશ ? –
હું જ ત્યાં નથી નથી !
~ ચંદ્રકાન્ત શેઠ (3.2.1938 – 2.8.1924)
મારા પ્રિય કવિની અત્યંત સુંદર કવિતાઓ. કવિ તથા સંકલન કર્તાને અભિનંદન.
“તું છે મારી અંદર તેથી ભર્યો ભર્યો હું લાગું !
તું લીલોછમ અંદર તેથી હર્યોભર્યો હું લાગું …વાહ! આખી રચના આનંદના ઉછાળાભરી. દર્દભરી રચનાઓ હ્રદયશ્પર્શી.
સરયૂ પરીખ.
વાહ, ખૂબ જ સરસ સરસ રચનાઓ. મને એમની રચના ખૂબ ગમે છે .હું એ સ્વરાંકન કરી ગાઉં પણ છું. અભિનંદન.
વાહ ચંદ્રકાંત શેઠ સાહેબ
ખૂબ જ સરસ વિવિધ રચનાઓ માણવા મળી. કવિ, સાહિત્યકારને પદ્મશ્રી પુરસ્કાર મોડો મળ્યો.
અર્થસભર રચના સરસ મૂકવા બદલ ધન્યવાદ.