🥀 🥀
સાધો, હરિ સંગે હરીફાઈ
જીતી જશું તો હરિ જીત્યાની કરશું આપબડાઈ
હારી જઈશું તો ઈડરિયો ગઢ ધરશું હરિચરણે,
કામદૂધા દોહી દોહી, હરિરસ ભરશું બોધરણે….
ભગતિ તો જૂગટું છે, હાર્યો રમશે રમત સવાઈ
અનંતની ચોપાટ પાથરી, હરિએ ફેંક્યા પાસા,
અમે જીત્યા તો ઢોલ વજાડો, હરિ જીતે તો ત્રાંસા.
છેક છેવટ હાર કબૂલી જાશું સ-રસ રિસાઈ
~ હરીશ મીનાશ્રુ
આ અનોખા કવિને જન્મદિવસની લાખ લાખ વધામણી
સ્વર અને સ્વરકાર * અમર ભટ્ટ
આલબમ: હરિને સંગે
ખરેખર કાવ્ય માર્મિક અને નોખું પડે છે. આદરણીય કવિ શ્રી ને હાર્દિક શુભેચ્છાઓ.
વાહ શબ્દ અને સ્વરનો સમન્વય…