નીતિન વડગામા ~સતની થાય કસોટી -

🥀🥀

*કસોટી*

સતની થાય કસોટી.
સોનામહોરો સાથે હોડ બકે છે એક લખોટી!

સતને મારગ કાંટા ઊગે, પૂગે વાવાઝોડું.
તુચ્છ તણખલું કહે ઝાડને : ‘તને મૂળથી તોડું!’
ખોટાં વેણ મથે છે કરવા ખુદની લીટી મોટી!
સતની થાય કસોટી.

સતનું અજવાળું અંતે તો અંધારામાં મ્હોરે.
સાધુ-સંતો સદાય સતના દીવાને સંકોરે.
સતરૂપી એ સંતચરણને વંદન કોટિકોટિ.
સતની થાય કસોટી.

~ નીતિન વડગામા

જેમને માટે ભાવ છે, ભક્તિ છે, શ્રદ્ધા છે, સમર્પણ છે એમને અહોભાવભરી વંદના કરતી સ્પર્શી જાય એવી રચના. અસતની સત માથે ચડી બેસવાની નાદાની અને સતની અજવાળાં મ્હોરાવતી ઘટનાનું હૃદય ઠારતું નિરૂપણ.