🥀 🥀
વાંધો છે ભૈ પથ્થર સાથે…
ચર્ચા કરશું ઈશ્વર સાથે…
સૌથી આગળ હું હોવાનો,
લઈ ઇચ્છાનું લશ્કર સાથે…
જખ્મોનો તો હેવાયો છું,
લાવ્યો છું ક્યાં બખ્તર સાથે..?
ભણવાનું છે જીવન આખું,
રખડું છું લઈ દફ્તર સાથે…
એણે અઘરા પ્રશ્નો પૂછ્યાં,
ચીસો મૂકી ઉત્તર સાથે…
અંતર ખુદનું બાળી નાંખી,
ખુદનું રાખ્યું અત્તર સાથે…
દાદાએ જઈ એને પૂછ્યું,
શું નાતો છે નશ્વર સાથે..?
~ બી. કે. રાઠોડ બાબુ
સરળ સુંદર સરસ ગઝલો
ખૂબ જ સરસ ગઝલો. કવિ શ્રી ને અભિનંદન.
ખુબજ સરસ રચનાઓ ખુબ ગમી
દરેક ગઝલ સીધી, સરળ અને સચોટ.
દર્દ આપ્યું તો ભલે આપ્યું હૃદયને,
હાથમાં રાખી દવા ખોટું કર્યું તેં…
સરયૂ પરીખ.
વાહ..સરસ ગઝલો..અભિનંદન..
સરસ રચનાઓ 👌👌🌹🌹