*ગમી હતી*
સંકટભરી છતાંય મને એ ગમી હતી,
મેં જિન્દગીને આપની બક્ષિસ ગણી હતી.
બહેલાવી ના શક્યો કદી દિલ આપના વગર,
ચીજોની આ જગતમાં ભલા ક્યાં કમી હતી.
બેઠા હતા અમે અને જલતું હતું હૃદય,
તેથી જ તો એની સભામાં રોશની હતી.
અફસોસ કે દુનિયાએ બનાવી હજાર વાત,
નહિતર અમે તો એક બે વાતો કરી હતી.
દર્શન થયા નહીં એ મુકદ્દરની વાત છે,
આંખો તો ઇંતેજારમાં ખુલ્લી રહી હતી.
~ અદમ ટંકારવી
@@
બીજી ગઝલ વધુ ગમી
અદમભાઈ એટલે ગુજલિશ ગઝલો એવું સમીકરણ છે પરંતું એથી હટકે આ ગઝલો ભાવકને સ્પર્શી જાય છે.