*હમણાં લખી દઉં*
કહે નામ તારું તો હમણાં લખી દઉં
કવિતા લખીને હું રમણાં લખી દઉં
નથી આવતું કોઈ નયનોની સામે,
કહે તો, આંખોમાં સમણાં લખી દઉં
પરમ પ્યાસ તારી નદીની જ હો તો,
અધર પર હું વ્હેતાંય ઝરણાં લખી દઉં.
હવે ઝાંઝવાના, ઓ જળ ના બહેકો,
ગઝલમાં હું એવા કૈ હરણાં લખી દઉં.
‘સહજ’ હાથ તારે જો કંટક ચુભે તો,
એ કંટકના ડંખોય નમણાં લખી દઉં.
~ વિપુલ પંડ્યા ‘સહજ’
કંટકના ડંખોને કવિ નમણાં કહે છે. આપણે આખી ગઝલને નમણી કહી શકીએ. દરેક શેર ગમ્યા….
વાહ કવિ… બન્ને ગઝલ હ્રદયસ્પર્શી છે.
ખૂબ ખૂબ આભાર કવિ
વાહ, મસ્ત ગઝલો.
બંને ગઝલ સરસ છે 👍🌹🙏