કાગળમાં
છોડ ચિંતનની નાવ કાગળમાં
છે છલોછલ તળાવ કાગળમાં
સાત સાગર તરું સરળતાથી
ડૂબવાનો સ્વભાવ કાગળમાં
હું ઉપાડું કલમ, પછી મારા
ભાવ તેમજ અભાવ કાગળમાં
મારા મનને મળ્યો અરીસો આ
હૂબહૂ હાવભાવ કાગળમાં
આ અહીં મારી સ્વપ્નભૂમિ છે
તેથી નાંખ્યો પડાવ કાગળમાં
તારું એકાંત રાખ તું અંગત
ઢોળી દે શાહી, લાવ કાગળમાં
~ હર્ષદ ચંદારાણા (26.1.1947 – 16.6.2024)
અમારાં અમરેલીના પ્રેમાળ કવિ હર્ષદભાઈ ચંદારાણાની દિવ્ય ચેતનાને વંદના..
ધ્રુવ પંક્તિનું આવર્તન ભાવને દૃઢ બનાવે છે.
કવિ ની ચેતનાને વંદન. બંને ગઝલ સરસ. બીજી નો પ્રયોગ પણ ગમ્યો.