આછો રે અંધાર
આછો આછો રે અંધાર
ખોલે બંધ રહેલા દ્વાર
ઝણ ઝણ ઝણ ઝણ
એકધારો ઝીણો વાગે છે એકધારો
ઝીણો વાગે છે એક તારો
તાણી તંગ કરીને તારો
અંધારાનો આ પિંજારો
પિંજે જીવને તારેતાર..
આછું આછું રે અજવાળું
થોડું ગોરું ઝાઝું કાળુ
કાબર ચિતરુ અને ભરમાળું
ગૂંથે ઝળઝળીયાં નું જાળું
પકડે પુરવ જનમની પાળ..
~ હર્ષદ ચંદારાણા 26.1.1947 – 16.6.2024
16 જૂને કવિ આછા આછા અંધકારમાં પ્રવેશી ગયા. ત્યાં પણ એમની કવિતા અજવાળાં પાથરતી હશે.
કવિની શબ્દચેતનાને વંદન.
ધ્રુવગીતના સૌજન્યથી એમનું આ ગીત સાંભળો. (નીચે)
કવિ હર્ષદ ચંદારાણા * સ્વર : દેવર્ષિ સોનેજી
સૌજન્ય : નીલા ફિલ્મ્સ ~ ધ્રુવ ગીત
અમારા અમરેલીના દિવંગત કવિ હર્ષદભાઈ ચંદારાણાની દિવ્ય ચેતનાને વંદના.
હર્ષદભાઈ આ અને આવી અનેક રચનાઓને કારણે અમર રહેશે.
બંને રચનાઓ ખૂબ સરસ. હર્ષદભાઈ ચંદારાણા અમરેલીના સાહિત્યિક વાતાવરણના પણ પોષક અને સંમાર્જિત કરનાર સર્જક. આદરપૂર્વક શ્રદ્ધાંજલિ.
ૐ શાંતિ, પ્રભુ એમના પવિત્ર આત્મા ને શાંતિ બક્ષે. વંદન.