ભોગીલાલ ગાંધી ‘ઉપવાસી’ – તું તારા દિલનો દીવો

તું તારા દિલનો દીવો થા ને

ઓ રે ઓ રે ઓ ભાયા ….

રખે કદી તું ઊછીના લેતો, પારકાં તેજ ને છાયા

એ રે ઊછીના ખૂટી જશે ને, રહી જશે પડછાયા

ઓ રે ઓ રે ઓ ભાયા…..

કોડિયું તારું કાચી માટીનું, તેલ દિવેટ છુપાયા

નાની શી સળી અડી ના અડી, પ્રગટશે રંગમાયા

ઓ રે ઓ રે ઓ ભાયા…..

આભમાં સૂરજ ચંદ્ર ને તારા, મોટા મોટા તેજરાયા

આતમનો તારો દીવો પેટવવા, તું વિણ સર્વ પરાયા

ઓ રે ઓ રે ઓ ભાયા…..

~ ભોગીલાલ ગાંધી ‘ઉપવાસી’ 

કવિ, સંપાદક, અનુવાદક.

કાવ્યસંગ્રહ ‘સાધના’

O.P 12.10.2020

*****

Varij Luhar – અવિસ્મરણીય કાવ્ય