જુગતરામ દવે ~ અંતરપટ અદીઠ * Jugatram Dave
અંતરપટ અદીઠ
અંતરપટ આ અદીઠ! અરેરે! આડું અંતરપટ આ અદીઠ!
અહીં મેં માંડી, તહીં તેં માંડી, આંખની આતુર મીટ;
પળ ઊપડી પટ પુનઃ બિડાયું, વા વાયો વિપરીત.
અરેરે!..
તું મારાં હું તારાં ઝીલું વિરહે વ્યાકુળ ગીત;
રાગ સુણ્યો પણ રંગ ન રેલ્યો, વસમું એ સંગીત.
અરેરે!…
આ પા ઊછળે, તે પા ઊછળે, હૃદયો ભરી ભરી પ્રીત;
આકર્ષણ, પણ સ્પર્શ નહીં ક્ષણ, ચેન પડે નહિ ચિત્ત.
અરેરે!…
ખીણ કે ખાડી, નદી નથી આડી, વંડી વાડ કે ભીંત;
હાથ ચડે નહીં તોય નડે, આ ઝાકળઝીણું ચીર.
અરેરે!…
~ જુગતરામ દવે 1.9.1888 – 14.3.1985
અરેરે! શબ્દ મૂકીને કવિએ વેદનાને ઉજાગર કરી કમાલ કરી છે.
વાહ ખુબ સરસ