શ્યામ સાધુ ~ માણસ Shyam Sadhu
પાંચ-સાત તારીખની વચ્ચે અટવાયો છે
રહેવા દે ફૂલોની વાત, રઘવાયો છે !
જીવવા જેવી વાત ભીંતમાં ચણી છતાં પણ,
કમળપત્રની જેમ ક્યારનો કચવાયો છે !
અખબારોના ટોળાઓમાં અક્ષર થઈને
રોજ સવારે નાટક જેવું ભજવાયો છે !
માણસભીની મહેક નથી પણ અફવાઓ છે
માણસ, માણસ વચ્ચે માણસ ખોવાયો છે !
~ શ્યામ સાધુ
વાહ, મત્લા અને છેલ્લો શૅર, મસ્ત.
વાહ અમારા જુનાગઢ નુ ગૌરવ વંદન
ગઝલ માણવી ગમે એવી છે. અભિનંદન.