નિશા નાણાવટી ~ એકમેકને * સ્વર નિશા – હેમલ નાણાવટી

એકમેકને ગમી ગયા તો ગમી જવાનું
કારણમાં શું પડવાનું ?
એકમેકને નમી ગયા તો નમી જવાનું
કારણમાં શું પડવાનું ?

ભીતર ભડભડ દાવાનળ જ્યારે અકળાવે
કાગળ ઉપર શમી જવાનું
કારણમાં શું પડવાનું ?

એઠાં મીઠાં બોર ચાખવા રામ ન આવ્યા !
હજુય થોડું ખમી જવાનું
કારણમાં શું પડવાનું ?

છેતરપિંડી કાવાદાવા આ જ રમત છે
હારી બાજી રમી જવાનું….
કારણમાં શું પડવાનું ?

– નિશા નાણાવટી

હળવા ફૂલ શબ્દો, રમતિયાળ શૈલી અને છતાંયે અર્થસભર બની મ્હોરી ઊઠતું આ ગીત ખુદ કવયિત્રી અને એમના ગ્રુપ દ્વારા ગવાયેલું તમને સાંભળવું ચોક્કસ ગમશે.

2.3.21

કાવ્ય : નિશા નાણાવટી * સ્વરાંકન : હેમલ નાણાવટી * સ્વર નિશા-હેમલ નાણાવટી અને વૃંદ

Neesha Nanavaty

13-04-2021

Thank you so much dear Lataben !