ફાનસ
એક સાંજે
ઘરે પાછાં ફરતાં
સ્ટેશનની ફૂટપાથ પર નજર ઠરી.
એક ફેરિયાએ
ફાનસમાં દીવો સળગાવી પાથર્યો હતો
તે વેચતો હતો કાચનું ફાનસ,
જ્યોતનું રક્ષણ કરવા માટે.
ફાનસ વેચાતું ત્યારે દીવો
બીજા ફાનસમાં પોતાની જગ્યા શોધી લેતો
અને ફાનસ
અંધારું ભરી કશેક આઘે નીકળી જતું,
ત્યાં અચાનક
પુલની નીચે શોરબકોર વધ્યો,
નમીને નીચે જોયું તો
રામનામનો મહિમા પોકારતી
એક શબયાત્રા પસાર થઈ રહી હતી;
હું એક ક્ષણ શબને
અને
બીજી ક્ષણે ફાનસને જોઈ રહ્યો.
~ કિશોર શાહ
સરસ ભાવાભિવ્યક્તિ કાવ્યો
બંને રચનાઓ સરસ છે.અભિનંદન.