લતા હિરાણી ~ ચામડીની સળમાં * Lata Hirani
ઘડપણ
ચામડીની સળમાં
સેટ થઈ ગયેલી
સ્પર્શવછોઈ કરચલીઓ
સૂક્કા અવકાશને
આમતેમ ફંફોળે.
દૂર-નજીકના ભેદ ભરેલી
ચશ્માંથી ચિતરાયેલી આંખ
નજર માંડીને
આમતેમ ખંખોળે.
હલનચલન હજીય છે એવા
હામખોયા અંગો
વીંટો વળેલા હૃદયને ઉકેલવા
આમતેમ વળે ટોળે.
શ્વાસ કદી ઝડપી ચાલે
કદીક હાંફે
ને અંદર ખાલી હવાની હડિયાપટ્ટી
બીજું કાંઇ નહીં ?
મન આમતેમ ડહોળે, ડખોળે
બીજું કાંઇ નહીં ?
હવે કાંઇ જ નહીં ?
~ લતા હિરાણી
પ્રકાશિત > અખંડ આનંદ > 3-2018
વાહ… ઘડપણ નુ તાદર્શ ચિત્રણ કાવ્ય દ્નારા પ્રગટ થયુ ખુબ ખુબ અભિનંદન
આભાર છબીલભાઈ
વૃદ્ધત્વની સમસ્યાનું ચિત્ર શબ્દોદોના લસરકાથી કવયિત્રી ઉપસાવી શક્યાં છે. ધન્યવાદ.
આભાર મીનલબહેન
સ્પર્શ વછોઈ કરચલીઓ… વાહ. સુંદર કાવ્ય
આભાર વારિજભાઈ
ઘડપણ..અછાંદસ રચના રોચક અને પથ્ય છે..
લતાબહેન ને અભિનંદન.
આભાર ઉમેશભાઈ
ઘડપણની અવસ્થાનું વર્ણન થોડું નિરાશાજનક પણ સત્યનું નિરુપણ થયું છે.
જી. આભાર મેવાડાજી
ઘડપણ .આ શબ્દ જ ઘસારો સૂચવે છે. કવિ કમલ વોરાએ વૃદ્ધ શતક નામે કાવ્ય સંગ્રહ આ વિષય પર આપેલ છે. લતાબેન થોડા અંતરથી અવલોકન કરનાર અને તટસ્થ દ્રષ્ટિએ જોનાર દ્રષ્ટા તરીકે આ કવિતા આપે છે.
આભાર હરીશભાઈ
સરસ રચના
આભાર વિવેકભાઈ