પ્રિયકાંત મણિયાર ~ આછી જાગી સવાર * Priyakant Maniyar

આછી જાગી સવાર ~ પ્રિયકાંત મણિયાર

આછી જાગી સવાર,
નિંદરની મધુ કુંજ થકી ને સ્વપ્નલોકની પાર. – આછી

પારિજાતના શરણે ન્હાઈ
કોમલ એની કાય,
વ્યોમ આયને જેની છાઈ
રંગ રંગની ઝાંય;
ઑઢ્યો પાલવ સાગરજલનો છલછલ નીલનિતાર – આછી

લહર લહર સમીરણની વાતી
કેશ ગૂંથતી જાણે,
અંબોડામાં શું મદમાતી
અભ્ર-ફૂલને આણે;
કે જેનો ઊડતાં પંખીન કલરવ માંહી બહાર – આછી

ભુવનભુવનનાં ઉજ્જવળ રવિની
બિન્દી અહો લગાવી,
દિશા દિશાના મુખરિત કવિની
વાણી રહી વધાવી;
રંગમન્દિર જાવા જાણે સજી રહી સિંગાર – આછી

~ પ્રિયકાંત મણિયાર

હૃદયને મધુરતાથી ભરી દેતું આ ગીત સાંભળો અમર ભટ્ટના સ્વરમાં

OP 21.6.22

***

છબીલભાઈ ત્રિવેદી * 21-06-2022 * ખરેખર હ્રદય ને મધુરતા થી ભરી દેતુ ગીત ખુબ સરસ આભાર લતાબેન

Leave a Reply

Your email address will not be published. Required fields are marked *

%d bloggers like this: