ઉશનસ્ ~ અષાઢ Ushnas
અષાઢ ~ ઉશનસ્
અષાઢે તણખલું ના તોડીએ જી,
એ જી, એ તો ફૂટતું રે ઘાસ,
એમાં ધરતીનો શ્વાસ,
એની પત્તીની પીમળમાં પોઢીએ જી
પ્રભાતે પછેડિયું ના ઓઢીએ જી,
એ જી, આવ્યાં અજવાળાં જાય,
આવ્યા વાયુયે વળી જાય,
આવ્યા રે અતિથિ ના તરછોડીએ જી.
તારે આંગણિયે ઊગ્યું એ પરોઢિયે જી
એ જી, એ તો ફાગણ કેરું ફૂલ,
એમાં એવી તે કઈ ભૂલ ?
પરથમ મળિયા શું મુખ ના મોડીએ જી.
~ ઉશનસ્
વઆહહહ…
વાહ ખુબ સરસ રચના ખુબ ગમી અભિનંદન
લોકઢાળમાં રચાયેલું આ ગીત ઉઘડતી પ્રકૃતિ, સવાર અને ઉઘડતા જિવનને જોડે છે.