ભગવતીકુમાર શર્મા ~ માણસ Bhagavatikumar Sharma
અમે આંધી વચ્ચે તણખલાના માણસ
પીળા શ્વાસની તુચ્છ ઘટનાના માણસ
ફટાણાનાં માણસ મરશિયાના માણસ
અમે વારસાગત સમસ્યાના માણસ.
અમે અમને મળવાને ઝૂરતા જ રહીએ
સડકવંત ઝીબ્રાતા ટોળાના માણસ
ભરત કોઈ ગૂંથતું રહે મોરલાનું
અમે ટચ્ચ ટૂંપાતા ટહુકાના માણસ
મળી આજીવન કેદ ધ્રુવના પ્રદેશે
હતા આપણે મૂળ તડકાના માણસ
~ ભગવતીકુમાર શર્મા
બધાજ શૅર ‘કાબિલ એ દાદ’, કવિની સીગ્નેચર ગઝલ.