શિવજી રુખડા ~ ભૂલા પડ્યા Shivji Rukhada
આંગણામાં આપણે ભૂલા પડ્યા,
આપણામાં આપણે ભૂલા પડ્યા.
એક હળવી વાતને મોટી કરી
હુંપણામાં આપણે ભૂલા પડ્યા.
આમ તો ત્યાં એકલા ફરતાં હતાં,
પણ ઘણામાં આપણે ભૂલા પડ્યા.
રોજ દિવસ ધારવામાં જાય છે,
ધારણામાં આપણે ભૂલા પડ્યા.
તાર સીધા હોય તો ચાદર બને,
તાંતણામાં આપણે ભૂલા પડ્યા.
દ્વાર ઝાઝાની હવેલી આપણી,
બારણાંમાં આપણે ભૂલા પડ્યા.
~ શિવજી રુખડા
Wah
બગસરા ના કવિ અને મિત્ર શિવજીરૂખડા ની રચના ખુબ ગમી ખુબ રૂબરુ સાંભળવા નો અવસર મળ્યો છે ખુબ ખુબ અભિનંદન
પ્રલંબ રદીફની સુંદર ગઝલ છે.
સરસ ગઝલ
સુંદર ગઝલના શેર સમજવામાં ભૂલા ન પડતાં માત્ર માણીએ.
ટૂંકી બહર અને તેમાંય લાંબી રદીફ, વાહ! સરસ ગઝલ..
સુંદર રચના