Home

કાન અમારા થયા છે ફળિયું, તમે ઊગો થઈ ચંપો

નહીંતર જે કંઈ ઊગશે એનું પડશે નામ અજંપો

~ અનિલ ચાવડા

કવિતા 'ટોક ઓફ ધ ટાઉન' થઈ શકે? એક વ્યક્તિ સંસ્થા જેટલું કામ કરી શકે? ઉત્તર મેળવવા જુઓ kavyavishva.com - ઉદયન ઠક્કર

લતાબેન તમારી મહેનતે રંગત લાવી દીધી. આ કાંઈ સહેલી વાત નથી. સાહિત્યની પ્રીતિ સિવાય આ સંભવી શકે નહીં. - ડો. મોહન પરમાર

 

લતાબેન, અભિનંદન. નિયમિત રીતે કાવ્યવિશ્વ જોઉં છું. સાહિત્યરસિકોની તુષા સંતોષાય એવું અને કૃતિઓનું સ્તર જળવાઈ રહે એવું પીરસો છો. રાજીપો. - ભાગ્યેશ જહા  અધ્યક્ષ, ગુજરાત સાહિત્ય અકાદમી 

નવું સાહસ સરસ આવકાર પામી રહ્યું જોઈને ખુશી થાય છે. તમે નિત્યનવી સામગ્રી માટે ઉમંગ અનુભવો એવી શુભેચ્છાઓ. - જયંત મેઘાણી

અત્યંત સુઘડ, જીવને ઠારતું, સદ્ય પરિનિવૃત્તિ સાધી આપતું, શાંતિ અને શાતા દાયક, ઊંચી ગુણવત્તાવાળું સાહિત્યિક તથા સર્જનાત્મક સાહિત્ય માણવાનું આવું વિરલ પ્લેટફોર્મ આપવા બદલ આપનો આભાર. અભિનંદન અને શુભેચ્છાઓ - જયેન્દ્ર શેખડીવાળા

'કાવ્યવિશ્વ'નો નકશો વિશાળ છે અને સંભાવનાઓ અનેક છે. તમે અંતરના ઉમળકાથી આ શરૂ કર્યું છે અને હજી ખૂબ ખીલવશો તેવી આશા છે. – મનસુખ સલ્લા

કાવ્યવિશ્વ - કવિતા અંગે સર્વ સમાવેશક, આ પ્રથમ ગુજરાતી વેબસાઇટને અભિનંદન. નવી વાત, નવું સાહસ. નવી પેઢીને અનુકૂળ. અભિનંદન. - ડો. પ્રવીણ દરજી

ગુજરાતી કાવ્યસમૃદ્ધિ કેટલી વિસ્તાર પામી રહી છે અને કવિતા-કૃતિવિવેચનમાં કેટલી આધુનિક બની રહી છે તેનો એક ઉલ્લાસ માણીને આનંદ થયો.- રમેશ પુરોહિત

મનની એક બારી ખોલીએ ને સામે હોય આપણા સમગ્ર અસ્તિત્વને આલોકિત કરી દેતું બહેન લતા હિરાણીનું ‘કાવ્યવિશ્વ’ ! નવતા, નિત્યનૂતનતા અને હોય નવોન્મેષ ! - મનોહર ત્રિવેદી

કવિતા અને કવિતા વિશે આમ વિધવિધ ભૂમિકાએ રહીને 'કાવ્યવિશ્વ' પોતાની એક કેડી સ્થાપવા આગળ વધે છે એ જાણી આનંદ. કૃતિપસંદગી અને સામગ્રીની યથાતથતા સર્વોતમ રહેશે તો આવતીકાલે જરૂર એનું એક સ્થાન બનશે. આપને અભિનંદન.- સંજુ વાળા

લતાબેન, કાવ્યની પસંદગી કરીએ ત્યારે કાવ્યનું સ્તર અને પસંદગી કરનારનું સ્તર બંનેની ઓળખ થતી હોય છે અને તે તમે ખૂબીથી નિભાવી રહ્યા છો. બહુ મોટું કામ થઈ રહ્યું છે. ખૂબ ખૂબ શુભેચ્છાઓ.- રાજેશ વ્યાસ 'મિસ્કીન'

પ્રિય લતાબહેન, 'કાવ્યવિશ્વ'નું તમારું સ્વપ્ન સાકાર થયું છે તેનો આનંદ. તેનું વૈવિધ્યપૂર્ણ સ્વરૂપ ઊંચી આશા જગવે છે. આ કાવ્યવિશ્વ વિશ્વકાવ્યનો વિસ્તાર સાધે તેવી શુભકામનાઓ. તેનું ફલક સદા સંવર્ધિત થતું રહે તેવી અભિલાષા સાથે અભિનંદન.- વિનોદ જોશી

સરસ કાર્ય ! મોટું કામ છે ! મહેનત માગશે ! નિયમિતતા જળવાશે તો વાચકો વધશે ને વધુ લોકોને લાભ થશે. ખૂબ શુભેચ્છાઓ ! મદદ ને માહિતીની ક્યારેક જરૂર પડે તો જણાવશોજી ! ઓલ દ બેસ્ટ. ~ મણિલાલ હ. પટેલ

કવિતાના દરિયામાં ડૂબકી મારીને તમે અનેક મોતી ગોતી ગોતીને રોજેરોજ એનો રસથાળ પીરસો છો... આવી અનન્ય સાઈટના સંપાદન, સંચલન માટે ખૂબ ખૂબ અભિનંદન સહ શુભેચ્છાઓ. - યોગેશ જોષી

આપની વાર્તાઓમાં કાવ્યનો સુંવાળો સંસ્પર્શ જે અનુભવાય છે તેનું અને સુગઠિત આયોજનનું પગેરું આ 'કાવ્યવિશ્વ'માંથી જડી ગયું. કાવ્યના દરેક અંગને પૂરતું વજન આપીને આપે જાણે કે કવિતાનો ઉદ્યાન ભાવકો પાસે બહુરંગી છોળો સાથે ખુલ્લો મુકી દીધો. એના મુલાકાતી એની શીકરોથી રોમાંચિત થયા વગર ન રહે.- રજનીકુમાર પંડ્યા

‘કાવ્યવિશ્વ'માં ગુજરાતી કવિતાનું વિશ્વ ઉઘડતું અનુભવાયું. કવિતા નરસિંહથી શરૂ થઈ એષા દાદાવાળા સુધી વહી આવી તેનો સંતર્પક અનુભવ થયો. કવિતાને સમગ્રમાં જોવા, મૂલવવાનો હેતુ જણાય છે. કવિતા પદાર્થની ચિંતા,ચિંતન સુધી પહોંચશે તેમ લાગે છે. અઢળક અભિનંદનો. - રવીન્દ્ર પારેખ

આજે સહુ સ્વનામ ધન્યતામાં પડ્યા છે ત્યારે એક સંપાદકીય ઉચ્ચ કોટિની સજ્જતા સાથે તમે ડિજિટલ મીડિયાને સાહિત્ય સેવાનું પ્રમુખ માધ્યમ માનીને જે કામ ઉપાડ્યું છે તે કોઇ એકલ વીરાંગનાથી થાય એવું તો નથી. હું આપના કાવ્યવિશ્વ ડોટ કોમ ઉપક્રમ તરફ બહુ જ સન્માનથી જોઉં છું. - દિલીપ ભટ્ટ (વરિષ્ઠ પત્રકાર : ગુજરાત સમાચાર)

લતાબહેન બે દાયકાથી સાહિત્ય સર્જન સાથે સંકળાયેલાં છે. ‘કાવ્યવિશ્વ’ વેબસાઇટ શરૂ કરીને એમાં કવિતા, કવિતાનો આસ્વાદ, અનુવાદ, સર્જકનો પરિચય આપીને એ પોતાની પસંદગી દાખવે છે અને ભાવકોની રુચિ કેળવે છે. એમની આ પ્રવૃત્તિ આદર જગવે છે. શુભેચ્છાઓ સાથે. - રઘુવીર ચૌધરી

‘કાવ્યવિશ્વ’ એક ધ્યાન ખેંચે તેવું સાહિત્યિક સાહસ છે. ગુજરાતમાં આવો માહોલ બને તેની જરૂર છે. વિવાદ અને વ્યર્થ વ્યવહારોથી દૂર રહીને લતાજી આ પ્રયાસ કરી રહ્યા છે. સાહિત્યપ્રેમીઓમાં લોકપ્રિય છે. શુભેચ્છાઓ. - વિષ્ણુ પંડ્યા, પૂર્વ અધ્યક્ષ, ગુજરાત સાહિત્ય અકાદમી

કાવ્યવિશ્વ અતિ ટૂંકા ગાળામાં વિશિષ્ટ અને વિશ્વસનીય વૅબસાઈટ બની ગઈ છે ! એમાં પીરસાતી ગુણવત્તાસભર અને ઉચ્ચ પસંદગીની સાહિત્ય કૃતિઓથી ! હવે ડિજિટલ યુગમાં આ વેબસાઈટ ગણતરીની મિનિટોમાં એક આખ્ખું સાહિત્ય સામયિક વાંચી લેવાની રોજેરોજ સુવિધા ! - પ્રફુલ્લ પંડ્યા

મને લાગે છે કે ગુજરાતી કવિતાનો એન્સાયક્લોપીડિયા આપ તૈયાર કરી રહ્યા છો. ભવિષ્યમાં ગુજરાતી કવિતામાં કોઈને કંઈ પણ શોધવું હોય તો કાવ્યવિશ્વમાંથી મળી રહેશે એટલો અદભૂત ખજાનો ભેગો થાય છે. આ એક e-સંદર્ભ ગ્રંથ બનશે, એ નક્કી જ છે. – સુરેશ પટેલ

ગઝલ : રમેશ પારેખ

‘ગઝલ(કાવ્યત્વ) અતિ છટકણી ચીજ છે. એની વ્યાખ્યા બાંધવાની હોય નહીં. ગઝલ એટલે કેવળ ‘પ્રિયતમા સાથેની  વાતચીત ‘ એ વ્યાખ્યા અધૂરી […]

મણિલાલ હ. પટેલ ~ સૂમસામ સન્નાટો

સૂમસામ સન્નાટો વ્યાપ્યો છે ગામમાં કોઈ અહીં આવ્યું ના કોઇનાય કામમાં. સગપણ વસૂકયાં ને વ્હાલ ગયું આથમી રામ હવે નથી […]